Platt es en Sproak för alde Lüet

Die kalle von de alde Tiet

Die vertelle, wie et fröher woar

Un dat et schleiter wöd, Joar öm Joar.

 

Die sech treffe  in Kirke-Sääle

On sech  jet op Platt vertelle.

Schön jereimt on op Papier

On Hochdütsch spreäke,  för de Düür

 

Die Junge könne Platt net mi-e

On dat es schaad on et deet  wi-e.

Isch froach öch jez, on kickt mesch aan

An wäm dat denn waal lieje kann?

 

Wä hött et de Puute avjewännt

weil en de Schöll et schade könnt?

„Platt is nix vör et Jymnasjum

Se halde desch vör  jewöhnlisch on vör dumm“

 

Von Ö-ereens so dejradiert

Hant wer oss Moddersproak net mi-e geliert.

Dö hölft nu all dat küüme net.

Kickt ma, dat irr die Kurv noch kret.

 

Wie woar et denn de lääze Kier

Als ö-er Enkelkenger stonge vör de Düer?

„Erin, irr Puute, erin möt öch!

Omma hät Pruumetaat op dr Dösch!“ ?

 

Odder sproak dä Oppa so:

„Da seid Ihr ja, Kinder, da bin ich froh.

Wenn Ihr mögt, dann könnt Ihr Zwetschgenkuchen

Bei Oma in der Küche versuchen.“

 

Dat ene , dat es janz jewiss:

Oss Platt mot uut de Mottekis!

Sons duert et janit mi-e so lang

Bös kinner mi-e so kalle kann

 

Wat Bayer on die Kölsche könne

Dat sollde wer oss Kenger jönne:

Te huere, wo man hinjehuert

Kall donn, dä et Haez anrührt.

 

Spreäkt  wi-er Platt mit ö-er Puute

Möt die Kleene on die Gruete

On net bloß von de alde Tiet

Kallt von jez on he on huet!

 

Op de Stroat, beem Doktor, em Schreberjaad

Em Verein, em Lade, op dä Maat

En  Noboschaft on Familisch vör allem

Mot et wer „in“  sin, Platt te kalle.

 

Wat net wääs, dat wöt net jruet.

Wat sech net ängert, dat es duet.

Wat de net brucks, jeht janz hösch kapott.

Wat net jong bliev, es irjeswann fot.

 

Neamt dat Platt von de alde Luet

Maakt et parat för de nö-e Tiet

Mach sinn, et hü-ert sech dann jet angisch aan

Wat soll et, man kann net alles hann.

 

Dann kütt dä Daach, wo sonne Flabes sät,

net „fuck you“ sondern „Driet desch jet“.

 

Bärbel Dülpers – 2013