Ech han do vörr kottem e Book jefonge, do sting jet drenn, dat han ech net jewoß. Un dat wett och en Jlabbach koom e Mensch. Dat Book heesch „Durch das Jahr – Feste und Bräuche am Niederrhein“ un ess von der Helena Siemes. On die ess Professorin un dröm stemmt dat jewess, wat do drenn steht. On dat ess, kott vertällt, so:
En de Münsterkerk wött bekanntlich dat Haupt des hl. Laurentius opbewahrt. Dat wo-er fröher so kosbar, dat et johrelang Striet um die Reliquie tösche de Abtei St. Vitus on däm Könning von Spani-e, Philipp II, jo-ev. Vörr enne Kreesch möt de Franzu-ese 1557 hott dä Könning jeloovt, däm hl. Laurentius, dä dä Nazionalhillije von de Spanier ess, e Hillischtum zu spendeere, wenn hä dä Kreesch jewönne ding. Hatt hä dann och.
Nu moos hä dat Klosster San Lorenzo, och El Escorial jenannt, bo-e loote, äwwer hä hott nix vörr drenn. Un do wollt hä un später dämm sinn Nachfoljer von dä Jlabacher Abt dat Haupt han un feng Striet aan. Äwwer richtije un jefierliche Striet. Un se söggde u-everall un von all Si-e Hölp. Von 1570 bes 1628 wu-ed denne Äbt vom Vituskloster von de janze christliche Welt jedroht un se wu-ede opjefordert, dat Haupt an dä Spanische Könning eruutzeje-äve.
De allerhöchste politische un kirchliche Chefs, wie dä Herzoch von Parma, dä Jeneral von de Spanische Armee in Holland, dä Erzbischof un Kurfürst von Kölle. Papst Clemens VIII. ding däm Abt möt Exkommunikation un anger Denge drohe, dä Kaiser Rudolf in Wien, dä Apostolische Nuntius am Rhein un Erzherzog Albrecht, Statthalter von Holland, dinge sech ennmische un och möm Schwert rabbele. Dä Abt wo-er rejelreit ömzingelt. Bloß dä Herzoch von Jülich, op däm se Lank die Abtei stung, holp däm Jlabacher Abt möt Rat un Tat. I-esch no aachunfoffzich Johr hu-et dä jevi-erliche Palaver op. Un so ess dat Laurentiushaupt he jebli-eve. Sowiet dat Book.
Dat mot man sich enns vürstelle, denn Spanie wo-er zu derr Tied en Jroßmacht wie Amerika hüt, un zwar doduur, dat denne Meddel- un Südamerika jehü-ere ding, nodämm die de meeschte Lüt do du-etjehaue on dänne et janze Jold jeklaut hodde, womöt se völl Söldner betahle örr Kreesch jewönne konnde. On die Spanier stinge hee bee oss vörr de Dür, denn se hodde och Holland erobert un 1568 ko-em en Rheindahle, onjefier do,wo hüt dä Borussia-Park ess, zu der „Schlacht von Dalen“ jän de Hollänger onger Wilhelm von Oranien.[inspic=81,,,150]
Dat wo-er also so, als wenn hützedach dä amerikanische Präsident von osser Oberbürjermeester jet han wollt un Truppe opmarscheere leet för dat zu krieje. Un de Könijin von Holland, dä russische Präsident, dä Oberbefehlshaber von de Nato, dä Ministerpräsident von Nordrhein-Westfalen, dä Bundespräsident, dä Jeneralinspekteur von de Bundeswehr, dä Bundeskanzler und dä Rejierungspräsident von Kölle ömm helpe wollde on oss bang maake dinge, zum Beispell dat se nix mihe be oss koope wü-ede on et kenn Subventione mihe jä-eve ding odder se e paar Kompani-e Schnelle Eingreiftruppe an de Landwehr schecke dinge odder osser Oberbürjermeester möt dr Entzuch der bürjerlichen Ehrenrecht drohe un ömm ennet Jefängnis stecke wollde. Bloß dä Rejierungspräsident von Düsseldorf, dä ding oss helpe (jlöv ech persönlich zwar net, äwwer bloß enns als Vergliek).
Nu hant werr jo hützedach eijentlich so direk nix dovon, dat däm hillijeLorenz sinne Kopp noch en Jlabbach ess. Äwwer Lüt möt so e Röckjraat, die köße werr jot bruuke.
Op et sonn noch jöv?
© Text: Manfred Dülpers 2007