Wenn man örjeswo so jet lä-ese deet: „Frohes Fest!!!“ odder „Jenny Elvers wieder schwanger???“ dann kannste secher senn: Dat hat e Frommisch jeschri-eve. Bloß Frollüt make sonne Hoop Satzeiche hengerenanger. Mannslüt schrieve e äfe ! odder e ?. Dat ess och bloß be ! un ? so, be ;;; un ,,, han ech dat noch nörjes jesenn.

Nu froocht man sech jo, waröm dat so ess. Enne Früngk mennt, die Frollüt wü-ere so intellijent un dinge sich be so wichtije Sätz wie „Waröm hasse dä Müll noch net eraf jebreit? Waröm net? Waröm net?“ die zweimalije Wiederho-elung spare. Kann jo senn. Man wet et net. Äwwer ech jlöv dat net. Ich jlöv jet janz angisch: De Frollüt make dat, weil man net laut schrieve kann.

© Manfred Dülpers 2007