1. Em Leed der Nibelonge
wött Sieschfried oft besonge,
doch von dat janze Krömmke ess
nix secher on jewess.
Dröm lott öch von mech sare,
wat sech hat tojedrare,
ech weet dat von en alde Vrau,
die wooß dat janz jenau.

Sieschfried wo-er te fuul förr te liere,
hä ding li-ever suupe on pussiere,
sinne Vatter säät: “So jeht dat net!”
Hä no-em öm vom Jymnasium un ding öm be enne Schmett.

2. Nu koos dä Sieschfried flecke,
manch Iserstöck verjöcke,
ne Amboss von zweihongert Ponk,
dä schloch hä en dr Jronk.
Do krääsch dä Schmett dr Zedder:
Dait: „Wü-er dä Kä-el ma widder,
ach wü-er hä doch de Eck erömm,
ich jü-ev ne Daler drömm!“

Hä scheckt ömm en dr Wald, jet Holz te hoale,
dait be sech: „Dä Käel bliv mech jestoale!“
Sieschfried troaf ne Drache, kott on joot,
hä dredde ömm dr Hals erömm on badde en se Bloot.

3. Nu hott dat listisch Bööschke
am janz Lief e Kööschke.
Do dait hä sech janz luus on schlau:
„Nu häut mech kenner blau.
Kenn Fluh kann mech mie biete,
se könne mech all jet driete!
Jez heesch et hoppla-hopp un fllöck,
jez wött om Honn jejöck !“

Sieschfried packt tesame sinne Plunder,
mäckt sech op de Söck no de Burjunder
öwwerläht sech alles janz jenau,
verliebt sech in Kriemhilde on nömmt se sech als Vrau.

4. Brunhild wu-et eifersüschtisch,
weil Sieschfried woar so düchtisch,
soach sie förr sech dä schönne Käel,
wu-et sie förr Ärjer jäel un schäel.
Sie sprach zum jrimmen Haren
„Dä Käel lig mesch em Maren,
ach wüer da mar de Eck erömm,
ech jüev ne Batze drömm!“

Haren deiht: “Dat flöttst du kenne Domme,
en dr Bösch, do wött hä hopps jenomme!“
On als Sieschfried Water dronk enne Jutsch
Schloch hä ömm möt dr Prengel du-et, do woar dä Sieschfried futsch.

5.Err Lüüt, drömm lott öch sare,
wä ke Water kann verdrare,
dä lött et bäeter ut et Lief,
sons wött hä an dr Lief janz stief.
Hä wött dann du-et jeschlare
On wött dann stell bejrave,
kenne det dann om ömm tru-ere,
och net de dömmste Bu-ere.

I-esch rittst du so stolz op’m Pä-ed,
dann böss du op emoal nix mie wä-et.
Kütt `ne Flabes mött en decke Latz
on häut disch mött de Latz vörr de Batz, dann  böss du ramm verratz!